Торемифен Вива Фарм (20 мг)

Торемифен Вива Фарм

Торемифен

20 мг және 60 мг таблеткалар

Бір таблетканың құрамында

белсенді зат: 29.5 мг немесе 88.5 мг торемифен цитраты (20 мг немесе 60 мг торемифенге шаққанда),

қосымша заттар: лактоза моногидраты, жүгері крахмалы, микрокристалды целлюлоза, натрий крахмал гликоляты, аэросил, магний стеараты, повидон.

Дөңгелек пішінді, екі беті дөңес, ақ немесе ақ дерлік түсті таблеткалар (20 мг дозасы үшін).

Дөңгелек пішінді, тегіс беткейлі, бір жағында ойығы және сызығы бар ақ немесе ақ дерлік түсті таблеткалар (60 мг доза үшін).

Ісікке қарсы гормональді препараттар. Гормондар антагонистері және олардың аналогтары. Антиэстрогендер. Торемифен.

АТХ коды L02BA02

Фармакокинетикасы

Ішу арқылы қабылдағаннан кейін торемифен тез сіңеді. Плазмадағы жоғары концентрация шегі 3 (2-5) сағаттан кейін білінеді. Ас қабылдау сіңу ұзақтығына ықпалын тигізбейді, бірақ ең жоғары концентрация шегіне жетуді 1,5-2 сағатқа ұзартуы мүмкін. Ас қабылдауға байланысты өзгерістер клиникалық тұрғыдан маңызды емес.

Қан плазмасындағы концентрация биэкспоненциальді қисықпен сипатталады. Бірінші фазадағы (таралу) жартылай шығарылу кезеңі 4 (2-12) сағатты, екінші фазада (элиминация) – 5 (2-10) тәулікті құрайды. Вена ішіне инфузиялық зерттеулер жоқ болғандықтан, CL және V бағаланған жоқ. Торемифеннің 99,5%-нан астамы плазма протеиндерімен (альбуминдермен) байланысады. Торемифенді плазмадағы кинетикасы 11-ден 680 мг-ға дейін ішке қабылдаған кезде плазмадағы кинетикасы желілік сипатқа ие. Тәулігіне тиісті 60 мг дозаны қабылдаған кезде торемифеннің орташа концентрациясы steady-state және 0,9 (0,6-1,3) мкг/мл құрайды.

Торемифен белсенді түрде метаболизденеді. Плазмада негізгі метаболиті N-диметилторемифен, оның орташа жартылай шығарылу кезеңі 11 (4-20) тәулік. Оның ұқсас антиэстрогенді әсері бар, алайда торемифенге қарағанда біршама аз. Метаболиттің 99,9%-дан астамы плазма ақуыздарымен байланысты. Плазмадан маңызы аздау тағы үш метаболит анықталды: деаминогидрокситоремифен, 4-гидрокситоремифен және N,N-дидеметилторемифен.

Торемифен негізінен метаболиттер түрінде нәжіспен бірге шығарылады. Энтерогепатиялық рециркуляция байқалуы мүмкін. Қолданылған дозаның 10%-ға жуығы метаболиттер түрінде несеппен бірге шығарылады. Баяу шығарылуына байланысты плазмада steady-state концентрацияға 4-6 апта ішінде жетеді.

Фармакодинамикасы

Торемифен трифенилэтиленнің стероидты емес туындысы болып табылады. Осы кластың басқадай өкілдері сияқты (мысалы, тамоксифен, кломифен) торемифен эстрогендер рецепторларымен байланысады және емдеу ұзақтығына, жынысына, нысана органға және басқа да ерекшеліктеріне байланысты эстрогенге ұқсас, антиэстрогенді (немесе бір мезгілде) әсер береді.

Менопаузадан кейін сүт безінің обырына шалдыққан пациенттерді торемифенмен емдеген кезде сарысулық холестериннің және ТТЛП орташа төмендегені анықталды.

Торемифен эстрогенрецепторлармен бәсекелес байланысады және ДНҚ синтезінің эстроген арқылы стимуляциялануын және жасушалық репликацияны тежейді. Обырдың тәжірибелік үлгілерінде торемифеннің жоғары дозаларын қолданған кезде ісікке қарсы эстрогенге тәуелді әсер етті.

Торемифеннің ісікке қарсы әсері сүт безінің обырына эстрогенге қарсы әсер арқылы жүзеге асады, алайда басқа механизмдердің де (онкогендердің экспрессиясындағы өзгерулер, өсу факторының секрециясы, апоптоз индукциясы және жасушалық циклының кинетикасына ықпалы) ісікке қарсы әсер етуі мүмкін екендігін жоққа шығаруға болмайды.

20 мг доза үшін:

Бірінші желідегі препарат ретінде менопаузадан кейін сүт безінің гормонға тәуелді метастаздық обырын емдеу.

Сүт безінің дисгормональдік гиперплазиясы профилактикасында және оны емдеуде.

60 мг доза үшін:

Бірінші желідегі препарат ретінде менопаузадан кейін сүт безінің гормонға тәуелді метастаздық обырын емдеу.

Торемифен эстрогенрецепторнегативтік ісіктері бар пациенттерге ұсынылмайды.

Препарат, ас қабылдауға байланыссыз, ішу арқылы қабылдауға арналған.

Сүт безінің дисгормональдік гиперплазиясында ұсынылатын доза тәулігіне 20 мг құрайды. Сүт безінің эстрогенге тәуелді обырында ұсынылатын дозасы - тәулігіне 60 мг.

Өте жиі (>1/10-нан)

• қан кернеулері

• қатты тершеңдік

Жиі (>1/100 <1/10 дейін)

• жатырлық қан кетулер, қынаптық бөлінділер

• қатты қажығыштық

• бас айналуы

• ісінулер

• жүрек айнуы, құсу

• бөртпе, қышыну

• депрессия

Жиі емес (≥ 1/1000 <1/100 дейін)

• кеңістіктегі бағыттан жаңылысу

• тәбеттің жоғалуы

• ұйқысыздық

• бас ауыру

• тромбоэмболиялық эпизодтар: терең веналардың тромбозы, тромбофлебиттер және өкпе эмболиясы

• диспноэ

• іш қату

• эндометрий гипертрофиясы

• дене салмағының жоғарылауы

Сирек (≥ 1/10000 <1/1000 дейін)

• трансаминазалар деңгейінің жоғарылауы

• эндометрий полиптері

Өте сирек (< 1/10 000)

• мөлдір қабықтың қысқа мерзімдік бұлыңғырлануы

• сарғаю

• алопеция

• эндометрий гиперплазиясы, эндометрий обыры.

• гиперкальциемия, әсіресе сүйектерінде метастазалары бар науқастар

Белгісіз

• тромбоцитопения, анемия және лейкопения

• гепатит

• препараттың қандай да бір компонентіне аса жоғары сезімталдық

• анамнезіндегі эндометрий гиперплазиясы

• бауыр функциясының айқын жеткіліксіздігі

• жүрек өткізгіштігінің өзгеруі, QT аралығының туа біткен немесе жүре пайда болған ұзаруымен

• электролиттік теңгерім бұзылғанда, әсіресе түзетілмеген гипокалиемия

• клиникалық тұрғыдан маңызды брадикардия

• клиникалық тұрғыдан маңызды жүрек жеткіліксіздігі, сол жақ қарыншаның лықсу фракциясының төмендеуімен

• анамнезіндегі симптоматикалық асистолия

Торемифенді QT аралығын ұзартатын басқа препарттармен бірге қолданған кезде QT аралығының қосымша ұзару әсері туындауы жоққа шығарылмайды. Бұл вентрикулярлы аритмиялардың, жыбырлау/жыпылықтауды қосқанда, пайда болу қаупінің жоғарылауына әкелуі мүмкін. Сондықтан торемифенді келесі дәрілік препараттармен бір мезгілде қолдануға болмайды:

- аритмияға қарсы ІА класты препараттар (мысалы, квинидин, гидроквинидин, дизопирамид);

• аритмияға қарсы ІІІ класты препараттар (мысалы, амиодарон, соталол, дофетилид, ибутилид);

• нейролептиктер (мысалы, фенотиазини, пимозид, сертиндол, галоперидол, сультопирид)

• бактерияға қарсы препараттар (мысалы, моксифлоксацин, эритромицин в/і, пентамидин, безгекке қарсы дәрілер, әсіресе галофантрин)

• гистаминге қарсы дәрілер (мысалы, терфенадин, астемизол, мизоластин).

• тағы басқалар (цисапирид, винкамин в/і, бепридил, дифеманил).

Кальцийдің бүйректен шығарылуын азайтатын препараттар (тиазидті диуретиктер) бір мезгілде қолданған кезде гиперкальциемия дамуы мүмкін.

Бауырдың ферменттік жүйесінің индукторлары (мысалы, фенобарбитал, карбамазепин) бауырда торемифен метаболизмін жылдамдатуы және қан плазмасында торемифеннің тепе-тең концентрациясының төмендеуіне әкелуі мүмкін. Мұндай жағдайда тәуліктік дозаны екі еселеу қажеттілігі пайда болуы мүмкін.

Антиэстрогендерді және варфаринге ұқсас антикоагулянттарды бір мезгілде қабылдау қан кету уақытын елеулі арттыруы мүмкін. Оларды бір мезгілде қолданбау қажет.

CYP 3А ферменттік жүйесін тежейтін кейбір препараттар торемифеннің метаболизмін бәсеңдетуі мүмкін, сондықтан мұндай препараттарды (мысалы, имидазолдар (кетоконазол); басқа да зеңге қарсы дәрілерді (итраконазол, вориконазол, позаконазол); протеаза тежегіштерін (ритонавир, нелфинавир), макролидтерді (кларитромицин, эритромицин, телитромицин)) бір мезгілде тағайындаған кезде осы фактіні есепке алу керек.

Емді бастау алдында пациент гинекологиялық тексерілуден өтуі тиіс. Эндометрийдің шырышты қабығының жағдайына ерекше көңіл бөлінуі тиіс. Содан кейін гинекологиялық тексерілулер жылына кем дегенде бір рет қайталануға тиіс. Артериялық гипертензияға, қантты диабетке шалдыққан және дене салмағының индексі жоғары деңгейде (>30) болатын, немесе алмастырылған гормондық емді ұзақ уақыт қабылдаған пациенттер эндометрий қатерлі ісігі бойынша қауіп тобына жатады, сондықтан мұқият бақылауды керек етеді.

Анемия, лейкопения және тромбоцитопения туралы хабарланған. Торемифен қолданғанда қан жасушаларының, лейкоциттер немесе тромбоциттер мөлшерін бақылау керек.

Торемифен қолданғанда бауыр ферменттері деңгейі жоғарылауын (қалып шегінен жоғары > 10) қоса, бауыр зақымдануының жағдайлары, гепатит және сарғаю туралы хабарланған. Олардың көпшілігі емнің бірінші айында анықталды. Бауыр зақымдануының сипаты көбіне гепатоцеллюлярлық болды.

Торемифенді анамнезінде ауыр тромбоэмболиялық аурулар жағдайлары болған пациенттерді емдеу үшін қолданбау керек.

Кейбір пациенттерде QT аралығының дозаға байланысты ұзарғаны байқалуы мүмкін. Торемифенді (әсіресе егде жастағы пациенттерде) миокардиальді ишемия немесе QT аралығының ұзаруы сияқты проаритмиялық жағдайдағы пациенттерге сақтықпен қолдану қажет, ол вентрикулярлы аритмияның (жыпылықтау/жыбырлауды қосқанда) пайда болу қаупінің артуына және жүректің тоқтап қалуына әкеп соқтыруы мүмкін. Жүрек аритмиясымен астасуы мүмкін және торемифен препаратын қолдану кезінде туындайтын белгілер пайда болған кезде емдеуді тоқтату және ЭКГ зерттеу жүргізу қажет.

Егер QТс аралық > 500 мс. болса, препаратты қолданбаған жөн.

Жүрек функциясының декомпенсацияланған жеткіліксіздігі бар пациенттер немесе ауыр дәрежелі стенокардияға шалдыққан пациенттер, сондай-ақ емнің басында сүйектерінде метастазасы бар пациенттер, гиперкальциемия дамуы мүмкін адамдар мұқият бақылануды керек етеді.

Тұрақсыз диабетке шалдыққан, жүрек функциясының жеткіліксіздігі бар немесе жалпы жағдайы ауыр пациенттерге препаратты қолдану жөнінде мәлімдемелер жоқ.

Препаратта лактоза бар. Сирек тұқым қуалайтын галактоза жақпаушылығында, Лапп лактаза жеткіліксіздігінде немесе глюкоза/галактоза мальабсорбциясында препаратты қолдануға болмайды.

Жүктілік және лактация кезеңі

Торемифенді, оның қауіпсіздігі мен тиімділігіне қатысты мәлімдемелер жоқ болуына байланысты жүктілік және бала емізу кезеңінде қолданбаған жөн.

Дәрілік заттың көлік құралдарын немесе қауіптілігі зор механизмдерді басқару қабілетіне ықпал ету ерекшеліктері

Әдетте препарат автокөлікті басқарғанда немесе басқа механизмдермен жұмыс жасаған кезде реакция жылдамдығына әсер етпейді, бірақ жекелеген жағдайларда бас айналу, әлсіздік және көрудің нашарлауы мүмкін. Мұндай жағдайларда автокөлікті басқаруды немесе басқа механизмдермен жұмыс жасаудан аулақ болу керек.

Симптомдары: кеңістікте бағдардан адасу, бас айналу, бас ауыру препаратты тәулігіне 680 мг дозада қолданған кезде пайда болуы мүмкін. Сондай-ақ QT аралығының ұзаруына назар аударған жөн, ол артық дозаланған кезде пайда болуы мүмкін.

Емдеу: симптоматикалық ем, арнайы антидоты жоқ.

Шығарылу түрі және қаптамасы

10 таблеткадан поливинилхлоридті үлбірден (ПВХ) және алюминий фольгадан жасалған пішінді ұяшықты қаптамаға салады.

Пішінді ұяшықты 3 қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапқа салынған.

30 таблеткадан алғашқы ашылуы бақыланатын, бұралатын полипропиленді қақпағы бар, ақ түсті тығыздығы жоғары полиэтиленнен (ТЖПЭ) жасалған құтыға салынады.

Бір құтыдан медициналық қолдану жөніндегі қазақ және орыс тілдеріндегі нұсқаулықпен бірге картон қорапқа салынады.

25°С-ден аспайтын температурада сақтау керек.

Балалардың қолы жетпейтін жерде сақтау керек!

1.5 жыл.

Жарамдылық мерзімі өткеннен кейін қолдануға болмайды.

Рецепт арқылы

Өндіруші

«ВИВА ФАРМ» ЖШС, Қазақстан Республикасы

Алматы қ., Дегдар к-сі, 33

Тіркеу куәлігінің ұстаушысы

«ВИВА ФАРМ» ЖШС, Қазақстан Республикасы

Алматы қ., Дегдар к-сі, 33

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«ВИВА ФАРМ» ЖШС, Қазақстан Республикасы

050030, Алматы қ., Дегдар к-сі, 33

Тел.: +7 (727) 383 74 63, факс: +7 (727) 383 74 56

Электронды пошта: pv@vivapharm.kz